قصيدة الى من اخذت قلبي بعنوان ( شلون انساك )

مساء الخير احبابي اعضاء منتديات لاراتي


احب اقدم هذ اليوم قصيده بعنوان شلون انساك


طبعا ماكدرت اسجلها راح تقروها هنا


اتمنى تعجبكم


لكم القصيدة


(( شلون انساك ))


تنساني صعب والاصعب اني انساك
وصعب ننسى بعض ما اعتقد نكدر

شلون انساك لو شنسه من ذكراك
واكف هالعقل بس انته يتذكر

نسيت انساك جي عايش بطرواك
وانه بلا انته شلون اتدمر ؟

شلون تخيلت راح اصبر بلياك
وانه كليبي بيدك بيش اتصبر !

وعيني الماتملك عاشت لملكاك
واذا انته بعدت شتظنها تتبصر ؟

احس طاير جنت من كتلي انه اهواك
وغيرك ما ردت بالدنيا يتكرر

اتمنى جنت عايش اضل هناك
جوه سوار كلبك ما ابتعد اكثر

صح هذا الزمن حارمني من عيناك
بس حبك بالكلب بركان يتفجر

يل عني رحت راح ابقى اترجاك
ترجعلي واشوفك يامحلى هالمنظر

عايش بس جسم والباقي كله وياك
ولو اكثر ردت صدكني هم اخسر

ولو اكثر ردت صدكني ما اخسر



بقلمي
عاشق الساهر