(من الاكثر بالعطاء في الحب والوفاء والاخلاص......؟

يالله السلام عليكم
تحية من اريج الورد وعطر الياسمين
على اعضاء اقل كلمة بوصفهم حلوين

طبعا اني اتفق وية السبقوني حبايبي حمودي وندوشة
برغم همة مختلفين بالرئي بعض الشئ
بس محمد كال ماكو مقياس وهذا صحيح
ممكن ولد وفي وبنية غدارة
وبنية وفية وولد غدار
هو الوفاء والغدر مو شي نكتسبة
ولا نتعلمة يجوز يكدر انسان يعلمنة عليه يخلينا نكتسبة
بس هو بالفطرة شي من الله يخلقك وفي
لو يخلقك تغدر
هاي شي من الله
هذا بالنسبة لرئي محمد والي هو صح
وبنفس الوقت ندى صح ندى حجت على الطبيعة البشرية Human nature
يعني انه الله خلق البنية من تحب من صدك توفي اكثر من الولد
البنية من تحب متشوف غير حبيبها
بس الولد من يحب بطبيعتة ميوفي 100%
مثلا يحب وحدة ويريدها شريكة حياتة ويحبها من كلبة
بس تجي وحدة مجرد شوية انطيتة مجال راح وياها
كضة وكت ويعرف مو حب حتة اذا كلها احبج وازوجج هو يعرف منو الي يريد
بس يعتبرها تكضية وقت ومابيها شي مادام هو يحب حبيبتة ومنطيها حقها
مثل مايسموها الحبيبة الابية على صفحة والبقية نجطل عليهن
اني واعوذ بالله من كلمة اني
اشوف هل شي مو صحيح
هو من نطق كلمة احبج لغير بنية حتة لو ميعنيها
يمكن مرات نكولها بشقة لبنات بس هو مديشاقة
ديكذب عليها لان يحب غيرها وهية الغشيمة صدكت
بس مو هذا موضوعنا
الموضوع نطق الكلمة لغيرها كلمة (احبـــــــــج)
ولمس غيرها
زين سؤال لكل الولد
من تلمس بنية مو حبيتك
هاي البنية طاهرة ؟؟؟
الي خلتك تلمسها اكيد لامسها غيرك
والي لامسها غيرك وحتة انت هاي مو طاهرة
زين سؤال لاخ
انت من لمستها شون تلمس حبيتك قبل الزواج او ورة الزواج؟؟؟
تكدر بعد تلزم مجرد ايدها
مو هاي حبيبتك الطاهرة الشريفة
تريد تنكسها بقذارتك
اني احجيها اني مو ملاك ولا نبي
اني انسان عادي وملاين الناس احسن مني
بس اني اذا افتخر بشي
افتخر يوم الحبيت حبيبتي انطيت وعد ماكول كلمة احبج لغيرج
ومامس غيرج
رغم كل مغريات الدنيا بلحضة ضعف كلشي يصير
بس اقوة خمس دقايق كدام المغريات هاي
ارجع بعدين افتخر بنفسي
ياريت كل ولد بهل دنيا يحب من صدك
علمود لا يكولون البنية تحب متخون
والولد يحب يخون
ترة وربكم احلى احساس
احساس الوفاء
مو كافي تكلها احبج مو كافي تكلها اعشقج واعبدج
لكتلها كل هذا
بس لتخونها علمود الله يباركلك بيها
هذا الشي ميعني بنات ميخونن
لا البنات اليخونن كومة
واني وكعت بوحدة منهن من زمان
والحمد لله
لان نيتي صافية وياها الله كشفلياها
الله يرحمها ماريد احجي عليها
بس النتيجة هية
مو فرق الجنس
ولد بنية مو فرق
مسئلة وفاء بالفطرة
وتعلوم واتسفادة
اكعد وية نفسك
فكر الي تحبك تستحق الوفاء
راح يجاوبك عقلك اي تستحق
لان سوت كلشي علمودك
كعدي وية نفسج كولي الي احبة
يستاهل الوفاء
عقلج يجاوبج اي لان سوة كلشي علمود يسعدني
اتمنى ما اطلت عليكم
وياريت الكل يستفادون ويطبقون هذا الحجي البسيط
تحياتي يا احلى عائلة