الى من ملكت قلمي قصيدة **(( مشتاااااااك ))**

مساء الخير احبابي

بعدما قررت ان يكون قلمي لها فقط

اليوم قصيدة مشتااااااك


اتمنى تنال اعجابكم


**(( مشتاااااااااااااااااااك ))**

مشتاك الكمر يكسر سواد الليل
ويطشر نجومه وللصبح يسهر

ومشتاك المطر ينزل يبوس الكاع
ويخلي الجان يابس ينكلب اخضر

ومشتاك الصبر دكة فرج عالباب
مو مل الصبر عالصبر مايكدر

مشتاك الطفل يصحى بدفو الاحضان
مايكدر يعيش سنينه عالمندر

مشتاك القلم يغفى بحضن الجفوف
ويعذبها بكلامه ويترس الدفتر

مشتااااااااااااااااااااااااااااااااااااااااااااك

مشتاك بعنف صدكني فد مشتاك
وبوصف اشتياكي وياك اتحير

شوصفك ياملاك وانته بيه الروح
وتخيل جسد وبلا روح يتصبر ؟؟

يل كحلت عيني وصرت نور العين
وعين بلا نظر شتظنها تتبصر ؟؟

شاعر كتبت وماوفيت وياك
لان حتى الشعر خجلان يتعذر

احبك ما احبك اني اموت عليك
وحبك بالكلب بركان يتفجر

يا نسمة محنه وعاطفه واشواك
ماريدك عليه بيوم تتغير

يارمز الجمال بظاهر وجوهر
ماريدك عليه بيوم تتغير

بقلمي
محمد الساهر